कमल गाउँपालिकाको विभिन्न क्षेत्रमा योगदान पुर्याउनुहुने महिलाहरुलाई सम्मान कार्यक्रम आज मिति २०८० जेष्ठ २८ गते कमल गाउँपालिकाको सभाहलमा सम्पन्न भयो । आर्थिक, सामाजिक, राजनैतिक क्षेत्रमा क्रियाशिल रहेका १४ जना महिलाहरुलाई सम्मान गरिएको उक्त कार्यक्रममा कमल गाउँपालिका अध्यक्ष हुकुम सिंह राई ज्यू, उपाध्यक्ष प्रमिला न्यौपाने ज्यू , वडा अध्यक्ष ज्यूहरु , कार्यपालिका सदस्यज्यूहरुको उपस्थिति रहेको थियो ।

“सभ्य समाजको पहिचानः लैङ्गिक हिंसा बिरुद्धको अभियान” भन्ने नाराका साथ विभिन्न कार्यक्रमगरी लैङ्गिक हिंसा बिरुद्धको १६ दिने अभियान २५ नोभेम्बर देखी १० डिसेम्बर सम्म विविध कार्यक्रम सहित मनाउने सन्दर्भमा कमल गाउँपालिकाको सभाहलमा शुभारम्भ कार्यक्रम सम्पन्न भयो । कार्यक्रममा उपस्थित सबै जनाले सेतो रिवन लगाई मेरो प्रतिबद्धता म हिंसा गर्दिन, म हिंसा सहन्न, हिंसा भएको देखेमा प्रतिकार गर्नेछु भनेर प्रतिवद्धता पत्रमा हस्ताक्षर गर्नु भएको थियो ।